ശ്രീമദ് ഭാഗവത സപ്‌താഹ യജ്ഞം

പ്രിയ ഭക്ത ജനങ്ങളേ , കിഴൂർ മേലൂർ ദേശവാസികളുടെ തട്ടകത്തമ്മയായ കിഴൂർ കാളികാവിലമ്മയുടെ തിരു സന്നിധിയിൽ 2025 നവംബർ 16 മുതൽ നവംബർ 23 വരെ യജ്ഞാചാര്യൻ ശ്രീ കിഴക്കേപ്പാട്ട് ജയരാമൻ മാസ്റ്റർ അവർകളുടെ നേതൃത്വത്തിൽ ശ്രീമദ് ഭാഗവത സപ്താഹ യജ്ഞം നടത്തുവാൻ തീരുമാനിച്ചിരിക്കുന്ന വിവരം ഭക്ത്യാദരപൂർവം അറിയിച്ചു കൊള്ളുന്നു . കലികാല ദോഷങ്ങൾക്ക് പരിഹാരം ഭഗവത്കഥാ ശ്രവണവും , പാരായണവും , നാമാർച്ചനകളും കൊണ്ട് മാത്രമേ സംഭവിക്കുകയുള്ളൂ എന്ന് ആചാര്യന്മാർ പറയുന്നു. ജന്മ ജന്മാന്തരങ്ങളുടെ പാപ ഫലങ്ങൾ ഭാഗവത പാരായണത്തിലൂടെയും ശ്രവണത്തിലൂടെയും നിർമാർജനം ചെയ്യപ്പെടുന്നു. സർവ്വ ചരാചരങ്ങൾക്കും ക്ഷേമദായകമായി നമ്മുടെ തട്ടകത്തമ്മയുടെ സന്നിധിയിൽ നടക്കുന്ന ശ്രീമദ് ഭാഗവത സപ്‌താഹ യജ്ഞത്തിൽ പങ്കുകൊള്ളാൻ എല്ലാ ഭക്ത ജനങ്ങളെയും ക്ഷേത്ര സന്നിധിയിലേക്ക് സ്വാഗതം ചെയ്യുന്നു .